Поделиться
Call центр: +7 (727) 375 61 55
САНИТАРЛЫҚ-ЭПИДЕМИОЛОГИЯЛЫҚ САРТАП ЖӘНЕ МОНИТОРИНГ ҒЫЛЫМИ-ПРАКТИКАЛЫҚ ОРТАЛЫҒЫ
Ұлытау облысында аса қауіпті инфекциялардың алдын алу іс-шаралары жүргізілді
Поделиться
Қазақстан Республикасы Денсаулық сақтау министрлігінің Санитариялық-эпидемиологиялық бақылау комитетінің мемлекеттік тапсырмасын іске асыру шеңберінде 2026 жылы 3 – 7 тамыз аралығында Ұлытау облысында туляремияның және сібір жарасының алдын алуға бағытталған ұйымдастыру-практикалық іс-шаралар кешені өткізілді.
Іс-шара жұмысына ҚР ДСМ «Қоғамдық денсаулық сақтау ұлттық орталығы» ШЖҚ РМК «Санитариялық-эпидемиологиялық сараптама және мониторинг ғылыми-практикалық орталығы» филиалының мамандары, сондай-ақ Ұлытау облысының санитариялық-эпидемиологиялық бақылау департаментінің, «ҰСО» Ұлытау облысы бойынша филиалының, медициналық және ветеринариялық ұйымдардың өкілдері қатысты.
Аумақтарды қамту және қызметтерді үйлестіру
Іс-шаралар Ұлытау, Жаңаарқа аудандары мен Жезқазған, Сатпаев, Қаражал қалалары қамтылды. Санитариялық-эпидемиологиялық бақылау аумақтық бөлімшелері, «ҰСО» Ұлытау облысы бойынша филиалы мен аудандық бөлімшелері, денсаулық сақтау және ветеринариялық қызмет ұйымдары өкілдерінің қатысуымен жұмыс кездесулері өткізілді.
Сапар барысында:
ағымдағы эпидемиологиялық ахуал мәселелері қаралды;
қызметтердің ықтимал қауіп-қатерлерге ден қою дайындығына баға берілді;
профилактикалық іс-шаралардың тиімділігін арттыру шаралары айқындалды.
Әдістемелік және практикалық көмек
Орталық мамандары зоологиялық және эпидемиологиялық зерттеулер жүргізу мәселелері, оның ішінде:
кенелер мен кеміргіштерге мониторинг жүргізу;
сыртқы орта объектілерінен сынамалар алу;
далалық және зертханалық жағдайда материалдарды сұрыптау және дайындау;
биоматериалды тасымалдау талаптарын сақтау мәселелері бойынша әдістемелік және практикалық көмек көрсетті.
Жүргізілген жұмыстың маңызы
Аталған іс-шаралар өңірлік қызметтердің аса қауіпті инфекциялардың алдын алу және ерте анықтау үшін дайындығын арттыруға, сондай-ақ олардың халық арасында таралу қаупін азайтуға бағытталған.
Бұл бағыттағы жұмыс Қазақстан Республикасының санитариялық-эпидемиологиялық саламаттылығын қамтамасыз ету шеңберінде жүйелі түрде жалғасын табады.
Жаңалықтар
